المرة ده حبيت اروح مكان من زماااااااان مرحتوش مع اني بعدي كتير من قدامه
المكان ده هو المتحف المصري بميدان التحرير
واحد صاحبي كان نفسه يروح (لكن لغرض تاني سيتضح حالا) ... المهم السبت كان يوم مناسب .. اخدنا بعضنا و رحنا علي هناك
انا في حياتي متفتشتش و اتحقق من شخصيتي اد المرة ده .. علي الباب اللي يدخل علي الشارع اللي فيه باب المتحف الخارجي طلبوا مننا البطايق و مرينا في جهاز كشف المعادن و لو كان معاك شنطة هاتتفتش ... نفس الحكاية علي الباب الخارجي للمتحف بالاضافة للتفتيش الذاتي بطريقة "التحسيس" ... بعد كده تروح تدفع ٢ جنيه تمن التذكرة (هاتكون جنيه لو انت طالب مصري و هاتدفع ٤٠ جنيه لو انتي مش مصري .. و هي ده الميزه يمكن الوحيده اللي لقيتها كونك مصري) و علي باب المتحف يتكرر نفس السيناريو .. لكن للامانة نفس الكلام كان بيتم للاجانب حتي موضوع التحسيس ده !!!!. لكن المرة ده عصلجوا في موضوع الكاميرا وممنوع ممنوع التصوير ... اضطرينا نخرج تاني للامانات (مكنتوا قولتو كده من الاول) ... المهم دخلنا ... هيييييييه
انا و شريف بصينا لبعض مش مصدقين احنا دخلنا المتحف نفسه و لا المخزن!!!!!! ايه ده ايه الكركبة ده كلها ... قطع اثار مترمية في كل حته من غير اي اسلوب للعرض و احيانا من غير ورقة عليها التعريف بالاثر و احيانا ورقة مقطوعة زي ما تقولوا من كراس و مكتوب عليها بخط اليد (اه و الله حتي تلاقوها في القاعة بتاعة المرحوم توت عنخ امون) ...
في حاجات كده زي الفتارين تلاقي فيها يمكن ٥٠ او ٦٠ تمثال زي بعضهم الخالق الناطق كانك في بازار حتي انا شكيت يكونوا عرضينها للبيع .. حاجه كده غبا
المهم انا فهمت شريف كان عايز يروح المتحف ليه .. اصله لسه جاي من انجلترا و واحد معرفته كان في اجازة في مصر و جه شاف المتحف و كان هايعيط من اللي شافه ... لا لا مش من الانبهار بس لء كمان من الغيظ من طريقة عرض المتحف
المتحف كان زحمة جدا مليان افواج و كمان كان فيه طلبة اعتقد من فنون جميلة بيعملوا حاجات كده زي الحواه ... بكام ضربة قلم رصاص تلاقي الاثر اتنقلت صورة منه علي الورق .. انا بقيت ببص عليهم بانبهار و ده اكتر حاجه عجبتني.
كان فيه في الدور التاني قاعة للممياوات لكن كانت ليها تذكره دخول خاصة (١٠ جنيه للمصري) .. لكن احنا كانت نفسنا انسدت و هانحرق دمنا بفلوسنا .. بلاها
البوست مفهوش صور علشان ممنوع التصوير .. رغم اني ده ضايقني في الاول لكن بعد ما اتسدت نفسي قلت احسن مفيش حاجه تستاهل و لو اني كنت عايز اوثق "المهزله" ده؟
يكونش علشان كده منعين التصوير!!!! ١
المكان ده هو المتحف المصري بميدان التحرير
واحد صاحبي كان نفسه يروح (لكن لغرض تاني سيتضح حالا) ... المهم السبت كان يوم مناسب .. اخدنا بعضنا و رحنا علي هناك
انا في حياتي متفتشتش و اتحقق من شخصيتي اد المرة ده .. علي الباب اللي يدخل علي الشارع اللي فيه باب المتحف الخارجي طلبوا مننا البطايق و مرينا في جهاز كشف المعادن و لو كان معاك شنطة هاتتفتش ... نفس الحكاية علي الباب الخارجي للمتحف بالاضافة للتفتيش الذاتي بطريقة "التحسيس" ... بعد كده تروح تدفع ٢ جنيه تمن التذكرة (هاتكون جنيه لو انت طالب مصري و هاتدفع ٤٠ جنيه لو انتي مش مصري .. و هي ده الميزه يمكن الوحيده اللي لقيتها كونك مصري) و علي باب المتحف يتكرر نفس السيناريو .. لكن للامانة نفس الكلام كان بيتم للاجانب حتي موضوع التحسيس ده !!!!. لكن المرة ده عصلجوا في موضوع الكاميرا وممنوع ممنوع التصوير ... اضطرينا نخرج تاني للامانات (مكنتوا قولتو كده من الاول) ... المهم دخلنا ... هيييييييه
انا و شريف بصينا لبعض مش مصدقين احنا دخلنا المتحف نفسه و لا المخزن!!!!!! ايه ده ايه الكركبة ده كلها ... قطع اثار مترمية في كل حته من غير اي اسلوب للعرض و احيانا من غير ورقة عليها التعريف بالاثر و احيانا ورقة مقطوعة زي ما تقولوا من كراس و مكتوب عليها بخط اليد (اه و الله حتي تلاقوها في القاعة بتاعة المرحوم توت عنخ امون) ...
في حاجات كده زي الفتارين تلاقي فيها يمكن ٥٠ او ٦٠ تمثال زي بعضهم الخالق الناطق كانك في بازار حتي انا شكيت يكونوا عرضينها للبيع .. حاجه كده غبا
المهم انا فهمت شريف كان عايز يروح المتحف ليه .. اصله لسه جاي من انجلترا و واحد معرفته كان في اجازة في مصر و جه شاف المتحف و كان هايعيط من اللي شافه ... لا لا مش من الانبهار بس لء كمان من الغيظ من طريقة عرض المتحف
المتحف كان زحمة جدا مليان افواج و كمان كان فيه طلبة اعتقد من فنون جميلة بيعملوا حاجات كده زي الحواه ... بكام ضربة قلم رصاص تلاقي الاثر اتنقلت صورة منه علي الورق .. انا بقيت ببص عليهم بانبهار و ده اكتر حاجه عجبتني.
كان فيه في الدور التاني قاعة للممياوات لكن كانت ليها تذكره دخول خاصة (١٠ جنيه للمصري) .. لكن احنا كانت نفسنا انسدت و هانحرق دمنا بفلوسنا .. بلاها
البوست مفهوش صور علشان ممنوع التصوير .. رغم اني ده ضايقني في الاول لكن بعد ما اتسدت نفسي قلت احسن مفيش حاجه تستاهل و لو اني كنت عايز اوثق "المهزله" ده؟
يكونش علشان كده منعين التصوير!!!! ١
هناك تعليقان (٢):
هو تقريبا علشن كده منعين التصوير :)
ابتسم فانت فى مصر..
شكرا على سؤالك..سؤالك اسعدنى :))
اللي انت بتحكيه ده اخر ماكنت اتصوره ، انا كمان بعدي من قدامه كتير بس عمري مادخلته بس كان نفسي ادخله ، متهيالي بعد البوست ده حتي التفكير في دخوله مش هيبقي موجود ، بس احييك علي صراحتك في البوست مع انه معلم اثري الا انك انتقدته وبصراحة شديدة
تحياتي ليك
http://semsemaaa.blogspot.com/
إرسال تعليق