بعد شعلقة في الهوا علي ارتفاع ١١٠٠٠ متر لمدة ١٤ ساعة و نصف جوة الطائرة ده
وصلت القاهرة اخيرا
في الطريق بعد ما خرجنا من طوكيو شفت المنظر ده
و ده بقي جبل فوجي .. اعلي جبال اليابان بارتفاع ٣٧٧٦ متر .. و من اسمه جه اسم الشركة اللي صنعت الكاميرا اللي انا صورته بيها
شوفتوا منظر الغروب من فوق .. ملاني بالشجن
هناك ١٠ تعليقات:
حمد لله على السلامة..
الصور جميلة اوى :)
اسفة على تكرار التعليق مرتين ..غلطة
متشكرة جدا على التعليق الاخير اللى
انت كتبته عندى ...انا رديت عليه باستفاضة ..اتمنى تشوف الرد
مية مرة .. ولا يهمك .. دايما اسعد بتعليقاتك :)
حمد لله علي السلامه ايه يا رجل المشوار ده كله عشان تاكل شوربة طحالب
طب ده يا جدع هتلاقي الطحالب في حمام كليوبترا بالهبل و اهو مش بعيد هتروح مرسي مطروح ,,,او شفلك اي حته مزفلطه يا نهااااااااار يعني يا ضشنايه علي اللي اتعمل فيك ,,,,بس سيبك انت انا بعشق السفر و ياريت تكلمنا اكتر عن رحلاتك لو كنت سواح علي طول كده
تحياتي
حمام كليوباترا ايه بس يا فيروز و حته مزفلطه ايه دا انا بقولك ياباني ياااااباني و الطحالب الياباني لا يعلي عليها يعععععععععععع :)
انا كمان بموت في السفر و البدايات الجديدة ، و ان شاء الله ابقي اكلم اكتر عن السفر
صور هايلة
أولا وبادئا ذي بدء
ميرسي علي زيارتك مدونتي
ثانيا
أنا راضية ذمتك ده منظر واحده تعرف ألماني؟؟
أنا أه موس انجليزي وبفك الخط وبربطه تاني في الفرنساوي واعرف كام كلمة أسباني
إنما الألماني ده بعيييييييييد تماما عن مدارات كواكبي
تقوم انت جاي ومعلق عندي بالألماني
وأجي الأقيك هنا كمان لسه جاي من عند الياباني اللي لو فاتك مش هيرجع تاني
عموما أنا هستعين بالقواميس وأمهات الكتب وبابهاتها كمان لعل وعسى :)
وهرد عليك رد بالهندي
ثالثا وده بقى الأهم
إنك واضح انك بتحب التصوير
وده أنا بموووووووووووووووت فيه
يعني هتلاقيني قاعدة في مدونتك على طووووول
بس اياك تزهق مني
:)
شكرا يا جنا
نورتي :)
هههههها برافوا عليكي يا وزة ادنتي اهو عرفتي تفكي الخط بالالماني عقبال لما تقدري تربطيه تاني :) .. انا كنت مرة قابلت واحده معرفة علاقتي بيها سطحية خالص و بشوفها بالصدفة .. المهم انا كنت بتكلم معاها و بعدين هيا قالتلي الجملة اللي انا كتبتها عندك في التعليق .. بنت الايه جابتها في الجون .. انا لما قريت البوست بتاعك عرفت ان اللي كاتباه عندها نفس الشعور .. انا كتبت الجملة ده بالالماني لان ده كانت لغت الحوار لاني كنت بره مصر و زي ما تقولي كنت باستعيد اللحظة
انا كمان بعشق التصوير و انتي اهلا و سهلا بيكي ضيفة دائمة في المدونة و انا اللي حظي سعيد اني وصلت لمدونتك
علي فكرة انا كنت فاكر ان المجانين اللي بالشكل ده هما مواليد الجوزاء زي حالاتي و بالذات انا لكن واضح ان اللي هربانين كتير .. (ايه هربانين منين ؟؟!! ..من السرايا طبعا :) ... لو حاولت اوصف نفسي مش هيختلف خالص عن اللي انتي كتباه عندك في البروفيل في ال "ابوت مي" :) .. علي فكره انا عايز استاذنك اني ابعتلك ايميل .. ممكن؟
ملحوظة : انا كتبت نفس التعليق (علي التعليق) ده هناك عندك علشان اللي تشوفيه اقرب :)
إرسال تعليق